1. |
Dans son kabay
03:36
|
|||
Titre : Dan son Kabay
Album : Nai Nai
(Auteur/compositeur : Julian Babou)
Refrain
Dan son kabay néna la joie
Tifi la y mèt aou en émoa
Si vi gard’ tro lontan lamour y pran
Kom un léman atiré ou lé aman
Le zyé lé dou
Le sourir y pouss abou
Si vi scrut son kor de otanba
Ou sera pri dan ce joli filé la
Mais pran gard’ a ou kan li jèt son sor
Si out kèr lé frajil po ou lé mor
Mèm si ou croit ou na tampéraman
Ti fi la mi di a ou néna tourman
Po fé pass a ou d’dan
Sa cyclon ek botan
Mais lé kat’fèr anlèr
dan lo fon la rivièr
Avan ou cri au s’cour
Bann camarade la cour
Po son bozyé y akour
Va joué a ou d’mové tour x 2
Refrain
Rès pa pri d’dan
Et mèt pa bonpé largen
Paske la mèm si li lé le pli roz
Ti kafrine la y mèt bonpé la poz
Ou va rodé kisa la jèt a ou sorsyé
Kosa ou la boir Kosa la manzé
La maliss si la bèk a ou au tournan
Kalkil ke domoun kom ou néna san
Mais ou pé démayé
Mais out kèr va seré
Kan un aut’ va pass a son bra
Ke liva jèt inn ti zyé kom’a
Le kèr na pwin de rézon
Et li rod pa solusyon
Sak néna mové po pasé
Fo détrwa sézon po regagn semé x2
|
||||
2. |
La vi la mer
04:13
|
|||
Titre : La vi la mer
Album : Nai Nai
(auteur/compositeur: Julian Babou)
Refrain
La vi marin sa la vi révé
si ou y aim la mer alé navigué
De por en por na laventur
Un balo su le do lovan dan la figuir
Po sak koné kan y ariv su le por
Na détrwa bar fo pa koz for
Bann Formosan guèt aou su coté
Tansyon la mnyèr ou va bougé
Sa té un zèn marmay té viv su bato
tout’ son vi abitué a alé su d’lo
Kan dé musk la komans a pèn lévé
Li la voulu crané
Refrain
Na dfwa kan la Oul y lèv
Le syèl la mèr sa y soulèv
kom si dannfon té y veut vanjé
ke le syèl la toujour dominé
Lé zéléman y kalkil pa nou
Nou lé la po fé son poési
Po la natur koukesé ke nou
Sétosi la nout jalouzi
choeurs
Cass pa tro Kolé su la mèr
Sa la vi paradi ou lanfèr
Kalité la vi si ou lé for
Larg la vwal mais pa le kor
Souké souké matlo mon fils
Ton tan la poukor arivé
Kan kit le por tu arebiss
Na lot koté po démayé
La vi marin sa la vi révé
|
||||
3. |
Donn amwin la main
03:42
|
|||
Titre : Donn amwin la main
Album : Nai Nai
(Auteur/compositeur: Julian Babou)
Navé un joli kafrine la o
Kafrine la plèn, chevé flamboyan
bann ti grin longani su la po
lété né de joli paran
Guenyé d’un manyèr tan lontan
Ke noré fé ri détrwa pourtan
Mais la koulèr son lèv té d’un roz
Navé pwin personn té y oz
Lé zot zalentour té y jalouz
Mèm fardé ek zot pli joli blouz
Dann soley midi an doboutan
Tantine la té pli éclatan
Larondi son démarche anbiésan
Mèm si li té mok personn dotan
Zépol blan dénudé par botan
La fé rèv plu d’inn en marsan
Refrain
Donn amwin la mai joli madame
Sa lé pou dansé ti kadri
Rat pa ton trin camarade
Le tour sera vite fini
Nou té y fé la siès laprémidi
Byin avant que lèr labèr té fini
La pasyon lavé lav nout tourman
Sufizan po détrwa zab d’van
Lodèr son cheveux en fusion
Rouge kom lété nout paradi
si le printan lété cléman
Li noré duré perduman
Mais tro d’bèl soz sa lé fatigan
le destin la décide otroman
La pasyon lavé lav nout tourman
Sufizan po détrwa zan d’van
Jalousie la fé azot inn vi
In lanfèr sanfin sans alizé
Mon tifi la ramass son goni
Sou dot’van po alé Filé
|
||||
4. |
Rouler y rode
04:35
|
|||
Titre : ROULER Y RODE
Album : Nai Nai
(Auteur, compositeur : Julian Babou)
Tirèr d’flan ou kaparer
Tout’ na son vilain manyèr
Pli volèr ou démèrdèr
Boug ki viv’ dann van
Sofèr d’soley la jambe y gratte
Forss tan sof po le mur y rate
Un bon l’occasion viv an koneksyon
Ayèr k’dann kré Mafat
Balivernèr Chargeur d’lo
Espèr surtout pa po fini en haut
Forsstan fé le makro
Forsstan fé le makro
Refrain
Ti koné roulèr y rode pa ryin
Ryin k’la main bougé le rein
Ti koné pa roulèr rode pa le bout
Ryin ke son kadansé tougoudoudout
De lo, de lo, tout autour de nous
Su la cime piton po guèt l’espérans
Kan Y arrive en bas y pense ryin k’la Frans
Sans calcule k’la la tripe soutyin la pans
Pi na ryin k’sak lé kalou
Pi na ryin k’sak lé kalou
Agard ton camarade lé coté toué
Un mèm limièr po lav zot zyé
Un somin po ramène a ou dans sant
Sak y amène a ou les matins qui chantent
Sak y amène a ou les matins qui chantent
Refrain
Mi aime son koulèr, son gouté, so kozé,
Mi aime son l’innocence porte a ou la chance
Toute z’idées frivoles fo kass kolé
Kan la tèt maziné tro cassé cassé
Mi aime son koulèr, son gouté, so kozé,
L’ardèr bardjour sof gran matin
Y éclaire son versant et le tienne domin
Le zyé ki karky coule do larme doré
|
||||
5. |
Nai Nai
03:49
|
|||
Titre : Nai Nai
Album : Nai Nai
(Auteur/compositeur: Julian Babou)
Difisil di kosa té y pense
Mwin té trop jeune po gagn comprend
Kan la vie fé son choix
A nou nou choisit pas
Pou sak y chape / na point devant
Lé sûr remords lé pou toultan
Le bonheur léspri clair
Abandonne pas out zenfant
Refrain : (x2)
Naï Naï / ma laisse mon kèr ensanm ou
Naï NaÏ / va suive a ou partout
Naï Naï / na rien kos koté ou
Naï Naï /ensanm ou la vie lé pli doux
N’aurait tant et tant pou mwin dit
Alors que mi gagn pas trop écrit
Na ‘d choses qui restera là
Que mi partagera pas
Naï Naï c’est le kozman marmay
Le p’tit kozé kan ou té p’tit
Si mi koné ou mi sa va
C’est bien parce que ou lé la
Refrain : (x4)
|
||||
6. |
Vendeur chouchou
03:34
|
|||
Titre : Vendeur chouchou
Album : Nai Nai
(Auteur/compositeur:Julian Babou)
Mwin la passe lété dan mon charrette
Le mem paletot su le dos
Mon dents la croque rien’k maïs sec
Et mi perde pas la bec
Mon l’auto lé thuné ensanm 2 bèfs
Domoun y rit a mwin
persuadé po zot mwin la point rien
Lé sûr point rien de neuf
Refrain :
A mwin vendeur chouchou
Pou un tan dann’vent
Pli’devant l’argent
A mwin vendeur chouchou
L’argent trop devant mette a ou dann ‘vent
Toué ti passe ton lété coté la mer
Gros lunettes su ton zyè
Coté ton zézère ti fé lamoureux
Donc tu calcules pas mwin
Le dimans lancaustik su l’auto
Tu battes ton carré
Pas là même si le tantine lé faché
Na crédit po remboursé
Refrain
Pont :
Tiens bo mon dalon
Un jour la roue va tourne aussi pou ou
Rit pas sak lé misère
Soley y brille pou tout au dessus de nous
Tiens bo mon dalon
L’argent lé pas un bonheur pou nout tout
Bouche pas ton zyé ek l’argent
Ti koné pas kosa va arrive au bout
Mwin la passe lété à voyager
Rien que pou repose un peu
Mon famille lé sûr la bien profité
Bientôt la rentrée
Toué la passe ton lété bien fatigué
Tracas pou ton loto
Refrain
|
||||
7. |
Cass'cou
03:51
|
|||
Titre : Cass’cou
Album : Nai Nai
(Auteur/compositeur : Julian Babou)
Momon la pa di amwin kosa
Té fo fé po gagn son graton
Mwin la gratt la tèr té pa tro sa
Alé travay a reculon
Papa la esplik kosa
Té y lé un bon ménaj
Ek fanm lété un koméraj
Maryaz batay pran ton kabay
Tonton té koné pa koukesé
Ke néna dann kèr domoun faché
Un an dézan po amassé
Et recras aou zot kourousé
Tantine la pa pran lèr ek sa
Di amwin kosa fo fé ek bébé
La pran amwin tout un journé
po ni un papa et donn dolé
Cass’cou su la tèt la pa pèr si la sapé
la pa mwin lotèr x2
Refrain:
Cass cou la vi retomb su ton pyé
Mars la tèt en lèr soley lévé
Na d’main y attend sin manzé
Mwin la parti lékol tan dané
Noirsi tantetan d’fèy papyé
La donn amwin diplom ek brevé
Sitan ke té y rempli bann kazyé
Mais tousala di amwin poukoué
Si dan la vi mi gagn pa démayé
Zoli kozé mais san un sou po gagn manzé
Kosa ma fé tout’ sé zané
La vi la .. lé bon bon
Fo ou lé …Mais sa lé bon (adlib)
|
||||
8. |
Gardien pangar
02:28
|
|||
Titre : Gardien Pangar
Album : Nai Nai
(Auteur/compositeur Julian Babou)
Tourné viré gardien kap kap dan lo kèr
Lèv la tèt po gard la lune
Donna li un pé kouraj
La relèv la poukor lèr
Un bruissman pyé d’bwa la fé gagn a li sézisman
Mèm fizi la y sufi pa po fé fann son lapèr x 2
Tansyon pangar su coté kosa sa ?
Pangar pangar su coté kosa nana
La lune la lé nwar na pwin ryin pou tiré
La lune la mliss deryèr nuaz po kasyété
Le zyé y roul dann zorbit kom la main kan roulèr baté
Gardien la pèr la nuit son gayar la po fané x4
|
||||
9. |
New ironico
04:32
|
|||
10. |
Pandyé
03:37
|
|||
Titre : Pandyé
Album : Nai Nai
(Auteur/compositeur: Julian Babou)
Pandyé su pyé d’bwa
Un fruit koulèr soley
Sofé ek gou do myèl
Li fé ri ti fi la
Su un fil sou le van
Kan lo dra la po sèk
Sak la po joué l’avion
y vole an parasol
Mais guètt dovan baro
bann na y kri a nou
Le pyé su un caro gazon
Lété lé dovan nou
Mais guètt dovan baro
Na d’moun y kri anou
Sa vendèr sorbé d’lo
Nya pran dé au coco
|
||||
11. |
Mon lémé la rivé
03:35
|
|||
Titre : Mon lémé la rivé
Album : Nia Nai
(Auteur/compositeur:Julian Babou)
Kan y arrive le période z’amour
Ou’k mem z’animo y maille ensanm
Un lodèr lamour y saoule
Té Ki glisse dessous mon porte
Boucanage y lèv ziska dann parc poules
La patte y lèv / pigeon y roucoule
Un cyclone rose la passé
Mi koné la mienne sa pa tardé
Refrain :
Mi koné mon lémé la rivé x3
Mon lémé la rivé / mon lémé la rivé
Pourtant genr’d’boug ki rode pa tro
Le pourquoi le koman et le manyèrage
Mwin la fini arriv dan un période
Ou lé assez ek le lamayaillage
Meme si mi louqu’ un peu
La jeunesse na l’avantage son l’âge
Mwin la fini arrive un peu vieux
Po rent’ dan le commérage
Sak y empoign’ mon ker ek mon colon
La fé son retour /dernier navette
Et a mwin kouyon dobout su perron
Mi fatigu mon zyé forss tan mi guett
Et si la fonce dessus mwin
Mi dira « Bon Dieu ! Tyin bo le reins »
Donn’ amwin un ti coup de mains
Manyé le bateau ziska gran matin
Mais mon cyclone la eskiv mon l’ile
Le quitte-sa-bouette po un’ pli viril
La chié ek mwin po ce vaurien
Rien qu’un faiseur le trin
Mwin la espéré / cheveux gominés
Ek mon cravate / mon joli chemise
A mwin Don juan en brouillon
Debout su perron seul comm’ un kouyon
(A li Don Juan en brouillon
Dobout’ su son perron seul comm’ un kouyon)x3
|
||||
12. |
Dimans
03:38
|
|||
Titre : Dimans
Album : Nai Nai
(Auteur/compositeur:Julian Babou)
Dimans après midi lé mon journée gayar sak mi assise sou la tôle po veille la montagne jusqu’à tard
Mi boire mon café par grin
Espère Zian va coure au ralenti y gagnera pa y fé rien
Mi tourne mi vire / mi artourne y chavire
Zordi persone ki tangaz pas su le navire
Meme un riz maïs sousou serait bèl
pourtant zordi lé la journée po écoute siffle bann zirondelles
Refrain : (x2)
Dimans après midi la meme kan y révey la roulis bateau y chavire lé en colèr ensanm marmite
Na rien que de l’eau gagn sauve a mwin
Et batte a pattes ek mon 2 savates dann somin
Serait bèl si té bouge maïdo Kormoran ou bassin St Joseph
Sak lé mol c’est mwin na point loto tant pis va reste la caz po écoute la radio
Refrain : (x2)
Kan va arrive le soir va pense demain travay
Fo la tèt su zépol sinon sera dûr amèn jusqu’à soir
Dans l’heure la roulis dimans tout bann z’idée y coure dan mon tet comme un farandole
Fin : (x4)
Koman sera dimans kan mi sera lwin
Mi gagn meme pas mazine koman sera demain
Pour sûr fo mi sava po gagn aller lwin
Kisa va gagn raconte kosa va arrive demain
Refrain :
|
||||
13. |
An descandan
03:27
|
|||
Titre : An descendan
Album : Nai Nai
(Auteur/compositeur : Julian Babou)
Ah sous le syèl anganté mounwar
Nou va ékri nout paj listwar
Pran ton verre po rampli
Ah Valériane ton kèr lé sikré
Ton sirop anndan mon gosier
L’adouci mon palais
Ah Valériane ton kèr lé sikré
Ton sirop anndan mon gosier
La détak mon kozé
Ah sous le syèl anganté mounwar
Nou va ékri nout paj listwar
Pran ton verre po rampli
Pran ton verre po rampli
Pran ton verre po rampli
Pran ton verre po rampli …adlib
Et la mèm nou souri.
|
||||
14. |
Anna
03:42
|
|||
Titre : Anna
Album : Nai Nai
(Auteur/compositeur : Julian Babou)
Li lé amèr kom le gou mové margoz
kom le sabouk y kok an foutan ek la koz
Son bouro fé son lofiss son vi moroz…
An foutan ek la koz
Mon kèr dann pilon un rougay la doulèr
Un voyaz mon malèr tremblad débandad…
Pèz amwin atèr
Mi démay pa mi san le pwa su lestoma
Dévire la tèt en ba
Refrain:
Anna
|
Julian Babou Toulouse, France
Julian Babou est un bassiste électrique originaire de l’ile de la Réunion. Autodidacte, il découvre le jazz, les musiques du
monde.
Il tourne dans le monde entier avec Ziskakan, Ti Fock, René Lacaille, Edmony Krater, Nathalie Natiembé, Françoise Guimbert, Le Bal Chaloupé, Irina Gonzalez, Gérald Toto, mais aussi la télévision, l'opéra la danse.
Il enseigne et anime des master-classes
... more
Streaming and Download help
If you like Julian Babou, you may also like:
Bandcamp Daily your guide to the world of Bandcamp